Vilt tú gera mun fyri heimsins børn?

Gerst ein partur av okkara úrslitagóða og dugnaliga nýggja føroyska fundraisara toymi, sum gjøgnum sterkan boðskap og jaligar telefonsamrøður, fær nýggj heimsforeldur til vega fyri at hjálpa heimsins børnum.

Í starvinum sum føroyskur fundraisari, hjá UNICEF DANMARK, verður tú ein partur av einum heilt serligum bólki, sum støðugt mennist og har vegurin fram á yrkisleiðini er stuttur. Tú lærur nógv um samskifti og marknaðarføring umframt UNICEF, ST og støðuna hjá heimsins børnum í nógvum ymiskum londum.

Vit hava fleiri enn 75.000 donsk heimsforeldur í UNICEF DANMARK, sum saman gera sera stóran mun í lívinum hjá børnum neyðstøddum støðum. Tann fíggjarliga hjálpin, ið hesir limirnir stuðla við, merkir at vit m.a. kunnu veita lívbjargandi hjálp, útbúgving, læknahjálp og tryggja børnunum eina betri framtíð.

Í 2020 varð føroyska toymið stovnað. Nú kunnu fólk í Føroyum eisini stuðla heimsins børnum ígjøgnum arbeiði hjá UNICEF. Okkara føroyska toymi hevur longu gjørt stóran mun fyri heimsins børn, serliga takka verið teimum nógvu føroyingum, sum ynskja at hjálpa børnum um allan heimin at fáa eitt betur lív og betri framtíðarmøguleikar.

Ert tú sterk/ur í munnligum samskifti og vil tú vera eitt umboð fyri barnarættindi? Býrt tú í Keypmannahavn og tosar føroyskt? So hava vit kanska eitt arbeiði til tín í okkara føroyska toymi.

Vit bjóða:
• Eitt sera áhugavert starv hjá UNICEF, har tú lærir um okkara hjálpararbeiði og har tú hvønn dag er við til at gera stóran mun fyri heimsins børn
• Møguleika at gerast partur av einum sera góðum toymi við føroyskum starvsfelagum
• Møguleika fyri persónligari menning, t.d. eru fleiri í leiðsluni fyrrverandi fundraisarar - við tolsemi, ágrýtni og góðum úrslitum ber nógv til
• Møguleika at starvast við marknaðarføring, fundraising og samskifti fyri heimsins størsta barnafelagskap
• Eina fasta tímaløn, møguleika fyri lønarhækking, alt eftir úrslit og starvsaldur
• Ókeypis mat-, frukt- og kaffiskipan á skrivstovuni í Keypmannahavn
• Sosial tiltøk, áhugaverdar fyrilestrar og góðar starvsfelagar, summarhugnað og jólaborðhald
• Eina einastandandi útbúgvingarskipan har tú lærur um marknaðarføring, samskifti, retorikk og fundraising

Dette søger vi:

Arbeiðsstað, arbeiðstíðir og løn:
• Skrivstovan liggur á Rentemestervej 62, København NV. Vit búleikast í nýggjum og flottum hølum og á takinum hava vit tað besta hátúnið í Keypmannahavn.
• Tú arbeiðir 2 til 5 vaktir um vikuna, men tú avgerð nær vaktirnar liggja:
• Dagvaktirnar eru frá kl. 09.45 til 16.00. Mánadag – fríggjadag.
• Kvøldvaktirnar eru frá kl. 16.45 –til 20.45. Mánadag – hósdag.
• Undir útbúgvingartíðini (2-4 vikur) eitur tímalønin 125 kr og síðani er lønin 135 kr um tíman, við møguleika fyri lønarhækking alt eftir úrsliti og persónligum royndum.



Vit halda samrøður so hvørt og eru til reiðar at seta starvið skjótast gjørligt. Í samband við starvsetan verða barna- og revsiváttan fingin til vega. Hevur tú spurningar viðvíkjandi starvinum, ert tú vælkomin at seta teg í samband við mia.danielsen@sutdentconsulting.com.
Vit gleða okkum at hitta teg.